Back Woud Afrikaans Wald ALS ጫካ Amharic Kilakilangan AMI Selva AN Weald ANG غابة Arabic ܥܒܐ ARC অৰণ্য Assamese जंगल AWA
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
| Viesca | |
|---|---|
tipo de característica (es)  | |
|
Ecosistema, formación vegetal (es) , Bioma, entidá xeográfica natural y oxetu xeográficu | |
 | |
 |
La viesca[1] ye una superficie con gran densidá d'árboles. Cuando la estensión de la viesca ye pequeña suelen emplegase términos como viescu, mata o monte.
Les viesques tópense en toles rexones nes que ye posible'l so crecimientu, hasta l'altitú llamada "la llinia de los árboles" (llinia tope imaxinaria según la que nun se da'l crecimientu, pola mor del fríu o de la escasez d'oxíxenu) y esceptu en zones de baxa pluviosidá o riesgu frecuente de quemes naturales.
Ye corriente estremar les viesques naturales ( o primaries ) y les artificiales, creaes pola intervención del home. En realidá, na mayoría de los casos esti desamecimientu nun tien munchu sentíu, ya que na práutica córtase madera en cuasi toles viesques. Sólo delles viesques tropicales o boreales siguen siendo naturales.
En xeneral, les viesques tienen un gran númberu d'árboles de diferentes especies y altures combinaos con capes de vexetación baxa, lo que fai una bona distribución de la lluz del sol.
Una viesca, na so forma natural, ye l'hábitat de munches especies animales y vexetales, y el pesu de la so biomasa nun quilómetru cuadráu ye mui altu comparáu con otros ecosistemes.
La viesca cubre'l 30 % de la superficie non inundada de la tierra.
La ciencia que estudia les viesques como esplotación comercial llámase silvicultura.
- ↑ Esti términu apaez nel Diccionariu de l'Academia de la Llingua Asturiana. Ver: viesca